ડભોઇ તાલુકો વઢવાણા ગામમાં આવેલી 90 વર્ષ જૂની અને જર્જરિત પાણીની ટાંકીને ગ્રામ પંચાયત દ્વારા તોડી પાડવામાં આવી છે. રણછોડજી મંદિર અને ગામ પંચાયતની નજીક આવેલી આ ટાંકી ગમે ત્યારે ધરાશાયી થઈ શકે તેમ હતી,
જેનાથી ગ્રામજનો માટે મોટો ખતરો ઊભો થયો હતો. આ જોખમને ધ્યાનમાં રાખીને ગ્રામ પંચાયતે તાત્કાલિક અને સમયસર પગલાં લીધાં છે.આ નિર્ણય ગ્રામ પંચાયતની દૂરંદેશી અને ગ્રામજનોની સુરક્ષા પ્રત્યેની પ્રતિબદ્ધતા દર્શાવે છે.
ટાંકીની હાલત અત્યંત ખરાબ હોવાથી કોઈ મોટી દુર્ઘટના બને તે પહેલાં જ તેને સુરક્ષિત રીતે તોડી પાડીને સંભવિત જાનહાનિ અટકાવવામાં આવી છે.ગ્રામ પંચાયત દ્વારા લેવામાં આવેલો આ નિર્ણય અન્ય સ્થાનિક સંસ્થાઓ માટે પણ એક ઉદાહરણ પૂરું પાડે છે કે જાહેર સલામતીને પ્રાધાન્ય આપવું કેટલું જરૂરી છે. વઢવાણાના આ પગલાથી ગ્રામજનોમાં સુરક્ષાની ભાવના મજબૂત બની છે.
REPOTER : ફકીરા ખત્રી ડભોઈ