ડભોઇ નજીક આજે એક અત્યંત દુખદ અને આઘાતજનક ઘટના સામે આવી છે. બોડેલીથી વડોદરા જઈ રહેલી ગુજરાત એસ.ટી. નિગમની બસના કંડકટરનું ચાલુ ફરજ દરમિયાન હાર્ટ એટેક આવતા કરૂણ મોત નીપજ્યું છે.
મળતી માહિતી મુજબ, વાઘોડિયા એસ.ટી. ડેપોમાં ફરજ બજાવતા ઇનુસિંહ જાડેજા આજે બોડેલી-વડોદરા રૂટની બસમાં કંડકટર તરીકે પોતાની સેવા આપી રહ્યા હતા. બસ જ્યારે ડભોઇ પાસેથી પસાર થઈ રહી હતી, ત્યારે અચાનક કંડકટર ઇનુસિંહને છાતીમાં તીવ્ર દુખાવો ઉપડ્યો હતો.તત્કાલ હુમલો: હાર્ટ એટેક એટલો ગંભીર હતો કે તેમને હોસ્પિટલ પહોંચાડી સારવાર મળે તે પહેલા જ તેમણે બસમાં જ અંતિમ શ્વાસ લીધા હતા.
મુસાફરોમાં ગભરાટ: ચાલુ બસે કંડકટરની તબિયત લથડતા બસમાં સવાર મુસાફરોમાં પણ ભારે અફરાતફરી અને ગભરાટનો માહોલ જોવા મળ્યો હતો.પોલીસ કાર્યવાહી
ઘટનાની જાણ થતા જ ડભોઇ પોલીસ તાત્કાલિક સ્થળ પર પહોંચી હતી. પોલીસે મૃતદેહને પોસ્ટમોર્ટમ અર્થે ખસેડવાની તજવીજ હાથ ધરી છે અને હાલમાં અકસ્માત મોતનો ગુનો નોંધીને આગળની કાયદેસરની તપાસ શરૂ કરી છે.પરિવારમાં શોકનું મોજું
વાઘોડિયા ડેપોના નિષ્ઠાવાન કર્મચારીના આ રીતે અચાનક અવસાનથી એસ.ટી. નિગમના કર્મચારીઓ અને તેમના પરિવારમાં ઘેરા શોકની લાગણી પ્રસરી ગઈ છે.
REPOTER : ફકીરા ખત્રી ડભોઈ