meetarticle
વાડી વિસ્તારમાં રહેતી અને સેલ્સ ગર્લ તરીકે નોકરી કરતી યુવતીએ અગમ્ય કારણોસર ગળા ફાંસો ખાઇને આપઘાત કરી લીધો હતો. જે અંગે વાડી પોલીસે તપાસ હાથ ધરી છે.
પોલીસ સૂત્રોના જણાવ્યા અનુસાર, મૂળ મધ્યપ્રદેશના અને હાલ વડોદરાના વાડી પહેલા ફળિયામાં ઉમંગ કોમ્પલેક્ષમાં માતા અને બહેનો સાથે રહેતી ૧૯ વર્ષની ભૂમિકા જગદીશભાઈ પાસવાન સેલ્સ ગર્લ તરીકે નોકરીકરતી હતી. તેના પિતા મધ્યપ્રદેશ રહે છે. ગઇકાલે તેના પરિવારના સભ્યો કામ પર ગયા હતા. મોટી બહેન ઘરે પરત આવી ત્યારે દરવાજો અંદરથી બંધ હતો. ભૂમિકાએ દરવાજો નહીં ખોલતા શંકા જતા પરિવાર અને પાડોશીઓએ કટર વડે દરવાજો કાપી ખોલ્યો હતો. અંદર જોયું તો ભૂમિકાએ ગળા ફાંસો ખાઇ લીધો હતો. વાડી પોલીસે આ અંગે વધુ તપાસ હાથ ધરી છે. જોકે, હજી આપઘાતનું કારણ જાણવા મળ્યું નથી.
meetarticle