મહિલાઓ સશક્તિકરણને લઈને જાગૃતિ માટેનો દિવસ એટલે 8 માર્ચ. દરવર્ષે 8 માર્ચના રોજ આંતરરાષ્ટ્રીય મહિલા દિવસ ઉજવવામાં આવે છે. મહિલાઓ આજે ફકત ઘરના કાર્યો જ નથી કરતી પરંતુ દરેક ક્ષેત્રમાં મહત્વના કામ કરી રહી છે. એટલે જ મહિલાઓ માટે સ્વાસ્થ્યનું ધ્યાન રાખવું પણ જરૂરી છે. ફિટ રહેવા મહિલાઓએ પોતાના રૂટિન અને ખોરાકમાં બદલાવ લાવવો પડશે. દૈનિક આહારમાં તેમણે પ્રોટીનયુક્ત ખોરાકને સામેલ કરવો જોઈએ. આ છે ટોપ 5 ઉચ્ચ પ્રોટીન શાકાહારી બ્રેકફાસ્ટ જે મહિલાઓ માટે ફાયદાકારક છે.
પનીર ભુરજી: ગ્રીલ્ડ પનીર ડેરી પ્રોટીન પનીર પ્રોટીનનો સૌથી સમૃદ્ધ સ્ત્રોત છે. પનીર ભુરજી સાથે મલ્ટી-ગ્રેન લોટમાંથી બનાવેલી રોટલી અથવા પરાઠા સાથે ખાઓ. તમે સ્વસ્થ નાસ્તા સાથે દિવસની શરૂઆત કરો.
ચણા ચાટ : કઠોળ ફાઈબર અને પ્રોટીનનું મિશ્રણ, વજન ઘટાડવામાં મદદરૂપ. તમારા દિવસની શરૂઆત ચણા ચાટથી કરવી એ સ્વસ્થ રહેવાનો એક શ્રેષ્ઠ રસ્તો છે. આ ચાટ સ્વાસ્થ્યમાં બમણા ફાયદા આપે છે.
મગની દાળના ચિલા : મગની દાળ પચવામાં હળવા અને અત્યંત પૌષ્ટિક. દરરોજ મૂંગ દાળ ચીલા ખાવાથી 14 થી 16 ગ્રામ પ્રોટીન મળે છે. આ દાળ પેટ માટે વરદાન છે અને શરીરને હાઇડ્રેટ પણ રાખે છે.
સોયા કટલેટ : સોયાબીન શાકાહારીઓ માટે પ્રોટીનનો સારો વિકલ્પ છે. આ પૌષ્ટિક અને ક્રિસ્પી શાકાહારી નાસ્તો પ્રોટીનથી ભરપૂર છે અને સાંજના નાસ્તા માટે ઉત્તમ વિકલ્પ છે. સોયા વડી અને બાફેલા બટાકાના મિશ્રણમાંથી બનતો આ નાસ્તો હેલ્ધી હોવાની સાથે સાથે બાળકો અને વડીલો બંનેને પસંદ આવે છે.
ગ્રીક યોગર્ટ : દહીં કેલ્શિયમ અને પ્રોબાયોટિક્સ સાથે ભરપૂર પ્રોટીન. આ દહીંનો તમે સેન્ડવીચ અથવા પરાઠા સાથે ખાઈ શકો છો.
શરીરમાં પ્રોટીન કેમ જરૂરી
પ્રોટીન એ સૌથી જરૂરી તત્વ છે કારણ કે તે સ્નાયુઓ, હાડકાં, ત્વચા અને વાળના પેશીઓના નિર્માણ અને સમારકામમાં મદદ કરે છે. તે આપણી રોગપ્રતિકારક શક્તિ, હોર્મોન નિયમન, ચયાપચય માટે ઉત્સેચકોનું ઉત્પાદન અને ઓક્સિજન પરિવહનમાં મહત્વપૂર્ણ ભૂમિકા ભજવે છે. તે વજનનું સંચાલન કરવામાં પણ મદદ કરે છે. પ્રોટીન ચેપ અને રોગ સામે લડતા એન્ટિબાયોટિક્સના ઉત્પાદનમાં મદદ કરે છે. પ્રોટીન હિમોગ્લોબિનનું સ્તર જાળવવામાં પણ ભૂમિકા ભજવે છે, તેથી તે શરીરમાં ઓક્સિજનના પ્રવાહ માટે જરૂરી છે.