ડીઆરયુસીસી મેમ્બર મોહમ્મદ હબીબ લોખંડવાલાએ રેલવેમાં સુવિધાઓ વધારવા તથા મુસાફરોને પડતી હાલાકી દૂર કરવા રજૂઆત કરી ડભોઈ કરજણ ટ્રેન શરૂ કરવામાં આવે નવીન બનેલ બ્રોડગેજ લાઈન પર માલગાડી ચલાવવામાં આવે છે પેસેન્જર ટ્રેન ચલાવવામાં આવતી નથી
વડોદરા ખાતે પશ્ચિમ રેલવેના ડીઆરએમ રાજુ ભડકેના અધ્યક્ષસ્થાને રેલવે સલાહકાર સમિતિના સભ્યો સાથે મીટિંગ યોજાઈ હતી જેમાં ડીઆયુસીસી ના મેમ્બર મોહમ્મદ હબીબ લોખંડવાલાએ રેલવેના વિવિધ પ્રશ્નો અંગે રજૂઆત કરી મુસાફરોને પડતી હાલાકી દૂર કરવા જણાવ્યું હતું. તેઓએ રજૂઆતમાં જણાવ્યું હતું કે, ભરૂચ રેલવે સ્ટેશન પર એસ્કેલેટર કે લિફટ સાથે એફ.ઓ.બી. નથી. બંને બાજુ રેમ્પ છે જે ખૂબ જ વળાંકવાળા છે જે વરિષ્ઠ નાગરિકો અને અશક્ત મુસાફરો માટે ખૂબ જ મુશ્કેલીકારક છે. એટલા માટે શક્ય તેટલી વહેલી તકે લિફ્ટ f.o.b બનાવવી ખૂબ જ મહત્વપૂર્ણ છે. ડભોઈથી કરજણ, જે પહેલા નેરોગેજ લાઈન હતી તેને બ્રોડગેજમાં રૂપાંતરિત કરવામાં આવી છે અને હવે તે તૈયાર છે. તેનું ટ્રાયલ પણ પૂર્ણ થઈ ગયું છે પરંતુ તેના પર હજુ સુધી પેસેન્જર ટ્રેન શરૂ કરવામાં આવી નથી. આ રસ્તા પર પેસેન્જર ટ્રેનો દોડવાથી મુસાફરોનો ઘણો સમય અને પૈસા બચશે. ડભોઈ કરજણ ટ્રેન શક્ય તેટલી વહેલી તકે શરૂ કરવી જોઈએ. બોડેલી, ડભોઈ, પ્રતાપ નગર, વિશ્વામિત્રી, કરજણ પાલેજ રેલવે સ્ટેશન ઉપર એક પણ
ખાણીપીણીનો સ્ટોલ નથી. જેના કારણે મુસાફરોને ઘણી મુશ્કેલીઓનો સામનો કરવો પડી રહ્યો છે. મુસાફરોને ગેરકાયદેસર વિક્રેતાઓ પાસેથી ખાદ્ય પદાર્થો ખરીદવાની ફરજ પાડવામાં આવે છે જેઓ મુસાફરો પાસેથી વધુ પૈસા વસૂલ કરે છે અને ખોરાકની ગુણવત્તા પણ સારી નથી. આ કારણોસર આ સ્ટેશનોની ઉપર ફૂડ સ્ટોલ શરૂ કરવા જોઈએ. પાલેજ રેલવે સ્ટેશન ઉપરનો એફ.ઓ.બી. જે ખૂબ જ જર્જરિત હાલતમાં હતો તેને તોડી પાડવામાં આવ્યો છે. આ ખૂબ જ યોગ્ય નિર્ણય છે. આજની તારીખે એક પ્લેટફોર્મથી બીજા પ્લેટફોર્મ પર જવા માટે બીજી કોઈ સુવિધા નથી. મુસાફરો ટ્રેક ક્રોસ કર્યા પછી જ તેને પાર કરે છે. આ એક મોટી સમસ્યા છે. જેના કારણે અકસ્માત થવાની શક્યતા રહે છે. આ સમસ્યાના ઉકેલ માટે શક્ય તેટલી વહેલી તકે લિફટ સાથેનો F.O.B બનાવવો જોઈએ.
REPOTER : ફકીરા ખત્રી ડભોઈ