meetarticle
ભરૂચની શ્રવણ ચોકડી નજીક ગતરોજ એક ગંભીર માર્ગ અકસ્માત સર્જાયો હતો, જેના કારણે વિસ્તારમાં ભારે ચકચાર મચી જવા પામી હતી. આ દુર્ઘટનામાં એક હાઇવા ટ્રકની નીચે બાઇક કચડાઇ જતાં બાઇક ચાલક ગંભીર રીતે ઇજાગ્રસ્ત થયો હતો.
અકસ્માતની તીવ્રતા એટલી હતી કે બાઇક ટ્રકના આગળના ભાગમાં ફસાઇ ગયું હતું, જ્યારે બાઇક ચાલક યુવકને બંને પગમાં ગંભીર ઇજાઓ પહોંચી હતી. અકસ્માત થતાં જ ઘટના સ્થળે આસપાસના લોકોનું મોટું ટોળું એકઠું થયું હતું.
સ્થાનિકોની મદદથી તાત્કાલિક ઇજાગ્રસ્ત બાઇક ચાલકને સારવાર માટે હોસ્પિટલ ખસેડવાની કાર્યવાહી હાથ ધરવામાં આવી હતી. ઘટનાની જાણ થતાં પોલીસે પણ સ્થળ પર પહોંચીને અકસ્માતની નોંધ લીધી હતી અને અકસ્માત કયા સંજોગોમાં થયો તે અંગેની વધુ તપાસ શરૂ કરી છે.
meetarticle