meetarticle
ભરૂચ જિલ્લામાં મુલદ ટોલટેક્સ નજીક કેબલ બ્રિજ પાસેથી પસાર થઈ રહેલી એક હાઈવા ટ્રકમાં અચાનક આગ લાગવાની ઘટના બની હતી. ટ્રકના પાછળના ટાયરમાં આગ ભભૂકી ઉઠતા આસપાસના વિસ્તારમાં ધુમાડાના ગોટેગોટા જોવા મળ્યા હતા.
ઘટનાની ગંભીરતા જોતા ભરૂચ ફાયર વિભાગની ટીમ તાત્કાલિક સ્થળ પર દોડી ગઈ હતી. ફાયર ફાઈટરોએ ઝડપી કાર્યવાહી કરીને આગ પર સંપૂર્ણપણે કાબૂ મેળવ્યો હતો.
સદભાગ્યે, આ ઘટનામાં કોઈ જાનહાનિ નોંધાઈ નથી, પરંતુ આગ લાગવાનું ચોક્કસ કારણ જાણવા માટે વધુ તપાસ હાથ ધરવામાં આવી છે. ફાયર વિભાગની સમયસરની કામગીરીના કારણે મોટી જાનહાનિ ટળી હતી.
meetarticle