સોના અને ચાંદીના ભાવમાં આ વર્ષે જોવા મળેલી રેકોર્ડ તેજી બાદ, છેલ્લા કેટલાક દિવસોમાં આ કિંમતી ધાતુઓના ભાવમાં મોટો કડાકો બોલ્યો છે. છેલ્લા એક જ સપ્તાહમાં (14 નવેમ્બરથી 21 નવેમ્બર), ચાંદીના ભાવમાં પ્રતિ કિલોએ ₹8,000થી વધુનો ઘટાડો નોંધાયો છે, જ્યારે સોનાનો ભાવ પણ પ્રતિ 10 ગ્રામે ₹1,600થી વધુ તૂટ્યો છે.
ચાંદીમાં ₹8,238નો કડાકો
છેલ્લા સપ્તાહમાં ચાંદીના ભાવ હાજર બજારથી લઈને વાયદા બજાર (MCX) સુધી દરેક જગ્યાએ ગગડ્યા છે. ઇન્ડિયન બુલિયન જ્વેલર્સ એસોસિએશન (IBJA) અનુસાર, 14 નવેમ્બરે ચાંદીનો ભાવ ₹1,59,367 પ્રતિ કિલો હતો, જે 21 નવેમ્બરે ઘટીને ₹1,51,129 પ્રતિ કિલો પર બંધ થયો હતો. આમ, માત્ર એક સપ્તાહમાં ચાંદીના ભાવમાં ₹8,238 પ્રતિ કિલોનો જંગી ઘટાડો જોવા મળ્યો. જ્યારે MCX પર એટલે કે મલ્ટી કોમોડિટી એક્સચેન્જ પર પણ ચાંદીનો વાયદા ભાવ એક સપ્તાહમાં ₹1,966 પ્રતિ કિલો ઘટ્યો છે.સોનાના ભાવમાં પણ મોટો ઘટાડો
સોનાના ભાવમાં પણ છેલ્લા સપ્તાહમાં નોંધપાત્ર ઘટાડો થયો છે. IBJAના આંકડા મુજબ, 14 નવેમ્બરે 24 કેરેટ સોનાનો ભાવ ₹1,24,794 પ્રતિ 10 ગ્રામ હતો, જે 21 નવેમ્બરે ઘટીને ₹1,23,146 પ્રતિ 10 ગ્રામ પર આવી ગયો. આમ, 24 કેરેટ સોનાના ભાવમાં ₹1,648 પ્રતિ 10 ગ્રામનો ઘટાડો થયો.
શુક્રવારે (21 નવેમ્બર) સોનાના બંધ ભાવ:
24 કેરેટ: ₹1,23,146 પ્રતિ 10 ગ્રામ
22 કેરેટ: ₹1,20,190 પ્રતિ 10 ગ્રામ
18 કેરેટ: ₹99,750 પ્રતિ 10 ગ્રામ