દિલ્હીમાં ભાજપ હેડક્વાર્ટર ખાતે પાર્ટીની નેશનલ સોશિયલ મીડિયા વર્કશોપ યોજાઈ હતી. તેમાં પાર્ટીના રાષ્ટ્રીય અધ્યક્ષ નિતિન નવીન સહિત ઘણા મોટા નેતાઓ સામેલ થયા હતા.
પાર્ટીના સૂત્રોએ જણાવ્યું કે વર્કશોપમાં લોકસભામાં વિપક્ષના નેતા રાહુલ ગાંધી અને કોંગ્રેસના સોશિયલ મીડિયા નેરેટિવનો જવાબ આપવા અંગે ચર્ચા થઈ હતી.
આ ઉપરાંત બેઠકમાં પીએમ મોદીના કામને લોકો સુધી પહોંચાડવા અને સભ્યતા અભિયાન સાથે જોડાયેલા મુદ્દાઓ પર પણ વાતચીત થઈ હતી.
દીપક મ્હાસ્કેએ વર્કશોપનું મહત્વ જણાવ્યું
ભાજપના સોશિયલ મીડિયા સંયોજક દીપક મ્હાસ્કેએ જણાવ્યું કે વર્કશોપથી ડિજિટલ પ્લેટફોર્મ દ્વારા લોકો સુધી પહોંચને અસરકારક બનાવવામાં મદદ મળી.
તેમણે જણાવ્યું કે બેઠકથી સંગઠનના ડિજિટલ પ્રયાસોને નવી દિશા મળી. સાથે જ, આગળની વ્યૂહરચના અંગે વિગતવાર ચર્ચા કરવામાં આવી.
આ કાર્યક્રમમાં સંગઠન, સંવાદ અને ટેક્નોલોજીના સમન્વયથી જનસેવાના સંકલ્પને મજબૂત કરવા પર ભાર મૂકવામાં આવ્યો. વર્કશોપથી નવા વિચારો અને દૃષ્ટિકોણ પણ સામે આવ્યા.
ભારતની ચૂંટણીઓમાં સોશિયલ મીડિયા
2014થી શરૂઆત: 2014ની ચૂંટણીઓથી સોશિયલ મીડિયા પ્રચારનું મોટું હથિયાર બની ગયું, જ્યાં નેતાઓએ ભાષણોની સાથે ફેસબુક અને ટ્વિટરનો પણ મોટા પાયે ઉપયોગ કર્યો.
સીધો ફોન સુધી પહોંચ: હવે પક્ષો ફક્ત મોટા મંચો પર જ નહીં, પરંતુ વોટ્સએપ અને સોશિયલ મીડિયા ઇન્ફ્લુએન્સર્સ દ્વારા સીધા લોકોના ખિસ્સા સુધી પહોંચી રહ્યા છે.
ફેક ન્યૂઝ અને ડીપફેકનો પડકાર: ડિજિટલ પ્રચાર વધવાની સાથે ફેક ન્યૂઝ અને બનાવટી વીડિયો રોકવા સૌથી મોટી માથાકૂટ બની ગઈ છે.
કડક બનતા નિયમો: ખોટા પ્રચારને રોકવા માટે ચૂંટણી પંચે સોશિયલ મીડિયા પર પણ આચારસંહિતા અને કડક નિયમો લાગુ કરી દીધા છે.
રાહુલ ગાંધીના ઈન્દોરમાં યોજાયેલા ‘છાત્રો કી ગૂંજ’ કાર્યક્રમને લઈને વિવાદ થયો છે. BJPએ આરોપ લગાવ્યો છે કે કાર્યક્રમમાં PM મોદીની માતાનું અપમાન કરવામાં આવ્યું.
કેન્દ્રીય મંત્રી કિરણ રિજિજુએ રવિવારે X પરની પોસ્ટમાં લખ્યું- કોંગ્રેસ પાર્ટી કોમેડિયનો અને જોકર્સની પાર્ટી બની ગઈ છે. તેઓ હંમેશા માટે બહાર થઈ ગયા છે…