જાન્યુઆરીમાં મુંબઈમાં સગાઈ બાદ માર્ચમાં જામનગરમાં પ્રી-વેન્ડિંગ હવે અનંત અંબાણી અને રાધિકા મર્ચન્ટ જુલાઈમાં સાત ફેરા લેશે. જામનગરમાં શાહી પ્રિ-વેડિંગ ઈવેન્ટ બાદ હવે અંબાણી પરિવારના નાના પુત્ર અનંત અંબાણીના લગ્ન કેટલા વૈભવી રીતે થશે તેની સૌ કોઈ રાહ જોઈ રહ્યા છે. જો મીડિયા રિપોર્ટ્સનું માનીએ તો મુકેશ અંબાણી અને નીતા અંબાણીના નાના પુત્ર અનંતના લગ્ન લંડનમાં થઈ શકે છે. એવું માનવામાં આવે છે કે અનંત અંબાણીના વેડિંગ ફંક્શન પ્રી-વેડિંગ સેલિબ્રેશન કરતાં વધુ લક્ઝુરિયસ અને રોયલ હશે. નીતા અંબાણી પોતે લગ્નની તૈયારીઓ જોઈ રહી છે.
અહેવાલ મુજબ અંબાણી પરિવારે અનંત અંબાણી અને રાધિકા મર્ચન્ટના લગ્ન માટે લંડનમાં એક ખાસ સ્થળ પસંદ કર્યું છે. રિપોર્ટ અનુસાર, અનંત અને રાધિકાના લગ્નનું ફંક્શન લંડનના સ્ટોક પાર્ક એસ્ટેટમાં યોજાવા જઈ રહ્યું છે. 300 એકરમાં ફેલાયેલી આ લક્ઝુરિયસ હોટેલ વર્ષ 1066માં બનાવવામાં આવી હતી જેનું વિસ્તરણ 1760માં કરવામાં આવ્યું હતું. આ હોટલમાં 49 લક્ઝરી રૂમ, તળાવો, બગીચા, સ્મારકો, સ્પા, ક્લબ હાઉસ, રેસ્ટોરન્ટ, જીમ ફિટનેસ સેન્ટર, ટેનિસ કોર્ટ, ગોલ્ફ કોર્સ સહિતની તમામ સુવિધાઓ છે. બ્રિટનની સૌથી મોંઘી મિલકતોમાં આનો સમાવેશ થાય છે.
સ્ટોક પાર્ક એસ્ટેટ બ્રિટનની રાણી એલિઝાબેથ Iનું ઘર હતું વર્ષ 1908 પછી તેને કન્ટ્રી ક્લબમાં રૂપાંતરિત કરવામાં આવ્યું હતું. આ બ્રિટનની સૌથી જૂની કન્ટ્રી ક્લબ છે. અનંત અંબાણીના લગ્નની થીમ વિશે હજુ સુધી માહિતી સામે આવી નથી.નીતા અંબાણી પોતે પોતાના નાના પુત્રના લગ્નને યાદગાર બનાવવાની તૈયારીઓ જોઈ રહી છે. લગ્ન સમારોહ માટે ડ્રેસ કોડ સાથેનું 9 પાનાનું આમંત્રણ કાર્ડ તૈયાર કરવામાં આવ્યું છે. રિપોર્ટ અનુસાર, બોલિવૂડ સ્ટાર્સને આમંત્રણ કાર્ડ મોકલવામાં આવ્યા છે જેથી તેઓ ફંક્શન અનુસાર પોતાનું શેડ્યૂલ બનાવી શકે. અંબાણી પરિવારના વેડિંગ ફંક્શનમાં ગેસ્ટ લિસ્ટમાં શાહરૂખ ખાન, સલમાન ખાન, બચ્ચન ફેમિલી, રણવીર, દીપકા, વિરાટ કોહલી, કેટરીના કૈફ સહિત ઘણા મોટા સ્ટાર્સના નામ સામેલ છે.
