ઈરાન-ઇઝરાયલ યુદ્ધને કારણે વિશ્વભરમાં ગેસ કટોકટી સર્જાઈ છે. ભારતમાં, મોટાભાગના શહેરોમાં એલપીજી સિલિન્ડર મેળવવાનું મુશ્કેલ બની રહ્યું છે. આના કારણે દેશમાં ઇન્ડક્શન સ્ટવ (ઇન્ડક્શન કુકટોપ) ના વેચાણમાં વધારો થયો છે.
એલપીજી સિલિન્ડર મેળવવાનામ મુશ્કેલી પડતા લોકોએ ઇન્સ્ટન્ટ કોમર્સ પ્લેટફોર્મ પર ઇન્ડક્શન સ્ટવ ખરીદવા તરફ દોટ મુકી છે, જેના કારણે ઘણી પ્રોડક્ટ્સનો સ્ટોક ખલાસ થઈ ગયો છે. ૨૪ કલાકની અંદર, ઇન્સ્ટન્ટ કોમર્સ પર ઇન્ડક્શન સ્ટવની માંગ ૧૦ ગણી અને ઇ-કોમર્સ પ્લેટફોર્મ પર ૨૦ ગણી વધી ગઈ છે. દરમિયાન, કેટલાક ઇન્ડક્શન સ્ટવ ઉત્પાદકોના શેરમાં નોંધપાત્ર ઉછાળો જોવા મળ્યો છે.
એલપીજી કટોકટી બાદ ઇન્ડક્શન સ્ટવનું વેચાણ વધતા ઇન્સ્ટન્ટ કોમર્સ અને ઇ-કોમર્સ પ્લેટફોર્મ ઇન્ડક્શન કુકટોપ પર ડિસ્કાઉન્ટ આપી રહ્યા છે, તેથી માંગમાં વધારો થયો છે. પરંતુ મોટાભાગની પ્રોડક્ટ્સ પહેલાથી જ સ્ટોકમાંથી બહાર છે, જેના કારણે થોડા વિકલ્પો ઉપલબ્ધ છે.આ પ્લેટફોર્મ ના સુત્રોના જણાવ્યા અનુસાર, ઇન્ડક્શન કુકટોપનું વેચાણ સામાન્ય સમયની તુલનામાં ૧૦ ગણું વધ્યું છે. છેલ્લા ચારથી પાંચ દિવસમાં જ ઇન્ડક્શન કુકટોપનું વેચાણ ત્રણ ગણું વધ્યું છે.
નિષ્ણાતોના મતે, મેટ્રો શહેરોમાં જ્યાં લોકો એલપીજી સિલિન્ડર પર આધાર રાખે છે, ત્યાં સંભવિત ગેસની અછતના ભયને કારણે લોકો વૈકલ્પિક વિકલ્પ તરીકે ઇન્ડક્શન કુકટોપ ખરીદી રહ્યા છે. દરમિયાન, સરકારે કોમર્શિયલ એલપીજી પુરવઠા પર પ્રતિબંધો લાદ્યા છે.