મહુવામાં માઈનિંગનાં વિરોધમાં આગેવાન ભરત ભીલે મૌનવ્રત રાખી અન્નજળનો ત્યાગ કર્યો

અલ્ટ્રાટેક કંપનીને માઈનિંગ કરવા પરવાનો આપતા અસરગ્રસ્ત ગામોનાં ખેડૂતો દ્વારા ખોદકામનો વિરોધ કરવા અને માઈનિંગ કામગીરી અટકાવવા છાવણી ઉપર ધરણા કરવામાં આવી રહ્યાં છે. પરવાનગી આપતા પહેલા હાથ ધરવામાં આવેલી લોક સુનાવણી દરમિયાન અસર ગ્રસ્ત ગામડાનાં લોકોની સ્પષ્ટ અને માઇનિંગ થશે તો ખેતી લાયક જમીન છે તેપણ ફળદ્રુપતા મૂકી દેશે. તેવી વિચારધારા સાથે માઇનિંગ કરવાની ના છતાંય સરકાર દ્વારા આપવામાં આવેલી પરવાનગીનો વિરોધ ઉઠ્યો છે.

માઇનિંગના વિરોધને લઈને પોલીસ સાથે લોહિયાળ ઘર્ષણ બાદ છેલ્લા 21 દિવસથી ઉંચાકોટડા મંદિરે ભરત ભીલની આગેવાની નીચે સૌથી વધુ ભાઈઓ બહેનો ધરણા પર બેઠા છે. તેમ છતાંય સરકાર તરફથી કોઈ સહાનુભૂતિ ન મળતા હવે નિંદ્રાધીન સરકારને ઢંઢોળવાના આખરી પ્રયાસના ભાગ રૂપે આજથી મૌનવ્રત ધારણ કરી અન્ન જળનો ત્યાગ આગેવાન ભરત ભીલે કર્યો છે.

ભરત ભીલે જણાવ્યું હતું કે પોતાની સાથે બહેનો પણ આ આખરી રસ્તા સમાન આંદોલનમાં જોડાઈ છે. તેમની માંગણી છે કે જે લોકો સામે 307ની આઈપીસી કલમ મુજબ કાર્યવાહી થઈ છે તે કેસ પરત ખેંચવામાં આવે અને માઇનિંગની પરવાનગી રદ કરવામાં આવે. આ તમામ મુદ્દે સરકાર વાટાઘાટો કરે. જો તેમ નહીં થાય તો ન્યાય મેળવવા માટે પ્રાણ છે ત્યાં સુધી મૌન વ્રત સાથે અન્ન જળનો ત્યાગ સાથે ઉંચા કોટડા ખાતે આંદોલન શરૂ રહેશે.