હેલ્થ ટિપ્સ : શિયાળાની સિઝનમાં રોજ કરો લસણનું સેવન, ઠંડીમાં મળશે રાહત

શિયાળાની સિઝનમાં લોકો ડ્રાયફ્રૂટ્સ તથા વિવિધ પ્રકારના શાકભાજીનું તો સેવન કરે છે. પરંતુ તેની સાથે આ સિઝનમાં લોકોને ખાસી, ઉધરસ અને શરદી થાય છે. ઘણા લોકોને ઠંડી પણ વધુ લાગે છે. તો આ સમસ્યામાં રાહત મેળવવા માટે આ સિઝનમાં લસણનું સેવન કરો. લસણમાં એન્ટીબેક્ટેરિયલ અને એન્ટિસેપ્ટિક ગુણધર્મો છે. લસણ પીત્ઝા અને પાસ્તાને વધુ સ્વાદિષ્ટ બનાવે છે, સાથે જ તે તમને અને તમારા સ્વાસ્થ્યને પણ લાભ આપી શકે છે. લસણ એલિસિન તેમજ મેંગેનીઝ, પોટેશિયમ, આયર્ન, કેલ્શિયમ અને વિટામિન સીથી ભરપુર છે. આવો જાણીએ લસણના ફાયદા વિશે

• દરરોજ લસણના ઉપયોગથી અસ્થમાના દર્દીઓને મોટો ફાયદો થઈ શકે છે. અસ્થમાથી બચવા માટે, દરરોજ રાત્રે એક ગ્લાસ દૂધ સાથે લસણની ત્રણ કળીઓ લઈને અસ્થમાને નિયંત્રણમાં રાખી શકાય છે.
• લસણમાં રહેલા મોટાભાગના પોષક તત્વો કેલરીથી ભરપુર હોય છે. ડોકટરોના જણાવ્યા મુજબ, લસણ ચરબી જમા કરતા ફેટ કોષોની રચના માટે જવાબદાર જીનને ઘટાડે છે. તે શરીરમાં થર્મોજેનેસિસ પણ વધારે છે અને વધારે ચરબી અને એલડીએલ (ખરાબ કોલેસ્ટ્રોલ) ઘટાડે છે.

• કોરોના કાળમાં, દરેક વ્યક્તિ તેમની ઇમ્યુનિટી મજબૂત કરવા માંગે છે. આ સ્થિતિમાં લસણ ખૂબ ઉપયોગી થઈ શકે છે. જો તમે લસણને મધ સાથે મિક્સ કરી તેને તમારા આહારમાં શામેલ કરો છો, તો તે તમારી સમગ્ર રોગપ્રતિકારક શક્તિને વધારવામાં પણ મદદ કરી શકે છે.

• લસણમાં શરદી અને ફ્લૂ સામે લડવાની ક્ષમતા છે. જો તમે ઠંડા વાતાવરણમાં ફ્લૂનો શિકાર બની જાઓ છો, તો પછી તમે લસણની ચા પીવાથી અથવા ખાલી પેટ પર બે કળી લસણ ખાવાથી થોડી રાહત મેળવી શકો છો.