હિમાચલ પ્રદેશમાં ભારે વરસાદની તબાહીમાંથી બહાર આવી રહેલા હિમાચલ પ્રદેશના લોકોને મુખ્યપ્રધાન સુખવિંદર સિંહ સુખુના નેતૃત્વવાળી સરકારે એક ઝટકો આપ્યો છે. સુખુ સરકારે ડીઝલ પર વેલ્યુ એડેડ ટેક્સ (વેટ)માં 3 રૂપિયા પ્રતિ લીટરનો વધારો કર્યો છે.
ડીઝલ પર વેટના સુધારા અંગે શુક્રવારે જાહેરનામું બહાર પાડવામાં આવ્યું છે, જે શુક્રવાર મધરાતથી લાગુ થઇ ગયું છે. નોટિફિકેશન મુજબ, રાજ્ય સરકારે ડીઝલ પરનો વેટ 9.96 ટકાથી વધારીને 13.9 પ્રતિ લિટર કર્યો છે. આ વધારા બાદ ડીઝલ પર વેટ જે પહેલા 7.40 રૂપિયા પ્રતિ લીટર હતો તે હવે 10.40 રૂપિયા પ્રતિ લીટર થશે. આ સાથે રાજ્યમાં ડીઝલની કિંમત હાલના રૂ. 86 થી વધીને રૂ. 89 પ્રતિ લીટર થશે.