પીએમ મોદીએ સરકારના વડા તરીકે 25 વર્ષ પૂરા થવાના અવસર પર ‘વિકાસિત ભારત સંકલ્પ સભા’ને સંબોધિત કરતાં જનતાનો હૃદયપૂર્વક આભાર વ્યક્ત કર્યો છે. તેમણે જણાવ્યું કે આ સફળતા જનતાના આશીર્વાદ અને સહયોગનું પરિણામ છે.
7 ઑક્ટોબર 2001ની યાદ અને જનતા પ્રત્યે કૃતજ્ઞતા
પીએમ મોદીએ જણાવ્યું કે, ‘7 ઑક્ટોબરે જ્યારે મેં ગુજરાતના મુખ્યમંત્રી તરીકે શપથ લીધા હતા, ત્યારે મેં ક્યારેય વિચાર્યું ન હતું કે એક દિવસ આ પડાવ પણ આવશે. 25 વર્ષની સેવા પૂરી થવી મારા માટે ખુશીનો અવસર છે. આ દેશની જનતાના આશીર્વાદનું પરિણામ છે. જનતાને નમન અને એનડીએ(NDA), તમામ મંત્રીઓ અને નેતાઓનો પણ આભાર. આ 25 વર્ષોમાં યોજાયેલા અનેક ચૂંટણીઓમાં જનતાએ જે વિશ્વાસ મૂક્યો છે તેના માટે પણ આભાર અને ‘સેવા જ્યોતિ યાત્રા’માં સામેલ તમામ લોકોને અભિનંદન.
વિનાયક મંદિરમાં પ્રાર્થના અને અનુભવોની મૂડી
આજના દિવસની શરૂઆત વિશે વાત કરતાં પ્રધાનમંત્રીએ જણાવ્યું કે, ‘આજે સવારે હું દિલ્હીના વિનાયક મંદિરમાં દર્શન કરવા ગયો હતો. મેં મંદિરમાં દેશ અને 140 કરોડ દેશવાસીઓ માટે પ્રાર્થના કરી હતી, તેમજ પોતાના માટે પણ પ્રાર્થના કરી હતી કે મને દેશ માટે વધુ ઊર્જા સાથે કામ કરવાની શક્તિ અને સામર્થ્ય મળે. આ 25 વર્ષોનો અનુભવ ખૂબ મોટી પૂંજી છે.’
જનતાને ઈશ્વરનું રૂપ ગણાવતાં તેમણે કહ્યું, ‘દેશે મને ઘણું બધું આપ્યું છે, તેથી દેશ પ્રત્યે મારી જવાબદારી પણ ખૂબ વધારે છે. આ 25 વર્ષોનો અનુભવ માત્ર મોદીની નહીં, પરંતુ દેશની મૂડી છે.’ તેમણે દેશના નાગરિકોને જ આના સાચા અધિકારી ગણાવ્યા.
જીવનની દરેક ઘટના એક શીખ છે
પોતાના 25 વર્ષના સફરને યાદ કરતાં પીએમ મોદીએ જણાવ્યું કે, ‘મારા જીવનમાં કોઈ પણ ઘટના વ્યર્થ ગઈ નથી. જેણે મને જીતાડ્યો મને વિનમ્ર બનતાં શીખવ્યું, જ્યારે જેણે પડકાર્યો કે હાર આપી ત્યારે ફરીથી ઊભા રહેતાં શીખવ્યું. શુભચિંતોકોએ પ્રોત્સાહિત કર્યો અને આલોચકોએ મને પોતાની અંદર ડોકિયું કરવાની તક આપી.’
ઉલ્લેખનીય છે કે પીએમ મોદીએ સરકારના વડા તરીકે 25 વર્ષ પૂરા કરી લીધા છે. તેમણે 7 ઑક્ટોબર, 2001ના રોજ ગુજરાતના મુખ્યમંત્રી તરીકે શપથ લીધા હતા અને ત્યારબાદ 26 મે, 2014ના રોજ પ્રધાનમંત્રી તરીકે શપથ લીધા હતા. આ પ્રકારે મુખ્યમંત્રી અને પ્રધાનમંત્રી તરીકે તેમને જનસેવા કરવામાં 25 વર્ષ પૂરા થયા છે.