પાવી જેતપુર : 2.51 કરોડની દારૂની બોટલ પર બુલડોઝર ફેરવ્યું

પાવી જેતપુરના કરાલી ખાતે શુક્રવારે જિલ્લા પોલીસ દ્વારા વર્ષ દરમિયાન ઝડપી પાડવામાં આવેલ રૂા. 2.51 કરોડના વિદેશી દારૂ ઉપર બુલડોઝર ફેરવીને નાશ કરવામાં આવ્યો હતો.

પ્રાપ્ત માહિતી મુજબ પાવી જેતપુર તાલુકાના કરાલી ખાતે આજરોજ પ્રાંત અધિકારી કલ્પેશ ઉનડકટ, ઉમેશ શાહ, ડિવાયએસપી અશોક કાટકડ, તેમજ અન્ય જિલ્લાના તમામ પોલીસ મથકના પી.એસ.આઈ.ની હાજરીમાં વર્ષ દરમિયાન 847 ગુના હેઠળ પકડવામાં આવેલ રૂા. 2.51 કરોડની કિંમતની વિદેશી દારૂની 1,04,000 બોટલ ઉપર બુલડોઝર ફેરવવામાં આવ્યું હતું.

આ વિદેશી દારૂની બોટલ ઉપર બુલડોઝર ફેરવતી વખતે તેમાંથી દારૂના ફુવારા ઉડતા નજરે પડતા હતા. અને સાથે સાથે કાચ પણ ઉડી રહ્યા હતા. મહત્વની વાત એ છે છોટાઉદેપુર જિલ્લા પોલીસ દ્વારા મોટાપાયે વિદેશી દારૂ ઝડપી પાડવામાં આવ્યો હતો. અને આજે તેનો કાયદેસર રીતે નાશ કરવામાં આવ્યો હતો.