ઓકલેન્ડ ખાતે રમાયેલી પાંચ મેચોની શ્રેણીની પ્રથમ વન-ડે મેચમાં ભારતીય ક્રિકેટ ટીમે શાનદાર પ્રદર્શન કરતા ન્યૂઝીલેન્ડ સામે 5 વિકેટે વિજય મેળવ્યો છે. પ્રથમ બેટિંગ કરતા ન્યૂઝીલેન્ડની ટીમ 40.2 ઓવરમાં 185 રન બનાવીને ઓલઆઉટ થઈ ગઈ હતી. વરસાદના વિક્ષેપને કારણે ભારતને ડકવર્થ-લુઇસ-સ્ટર્ન (DLS) નિયમ મુજબ 32 ઓવરમાં 143 રન બનાવવાનો સુધારેલો ટાર્ગેટ મળ્યો હતો. ભારતીય ટીમે 22.4 ઓવરમાં 5 વિકેટ ગુમાવીને 143 રન કરી 56 બોલ બાકી રાખીને મેચ જીતી લીધી હતી. શાનદાર અને સચોટ બોલિંગ માટે 10 ઓવરમાં 22 રન આપી 2 વિકેટ લેનાર ભારતીય ફાસ્ટ બોલર અંશુલ કંબોજને ‘પ્લેયર ઓફ ધ મેચ’ જાહેર કરવામાં આવ્યો હતો.
ન્યૂઝીલેન્ડના 11 ક્રમે આવેલા બેટરો ફટકાર્યા 4 છગ્ગા
ટોસ હારીને પ્રથમ બેટિંગ કરવા ઉતરેલી ન્યૂઝીલેન્ડ તરફથી વિલ યંગે 11 બોલમાં 9 રન, ટિમ સેઈફર્ટે 43 બોલમાં 38 રન, હેનરી નિકોલ્સે 11 બોલમાં 9 રન, ડેરિલ મિશેલે 41 બોલમાં 28 રન અને કેપ્ટન ટોમ લૅથમે 11 બોલમાં 3 રન બનાવ્યા હતા. ગ્લેન ફિલિપ્સે 51 બોલમાં 30 રન, મિચેલ સેંટનરે 16 બોલમાં 4 રન, નાથન સ્મિથે 9 બોલમાં 1 રન અને કાયલ જેમિસને 6 બોલમાં 1 રન કર્યા હતા. જેકોબ ડફી 21 બોલમાં 15 રને અણનમ રહ્યો હતો. 11માં ક્રમાંકે આવેલા બ્લેયર ટિકનરે 23 બોલમાં 34 રન ફટકાર્યા હતા. 13 એક્સ્ટ્રા રન સાથે ન્યૂઝીલેન્ડની ટીમ 40.2 ઓવરમાં 185 રને ઓલઆઉટ થઈ હતી.
ભારતીય બોલરોની કામગીરી
ભારત તરફથી અર્શદિપ સિંહે દમદાર પ્રદર્શન કરીને 10 ઓવરમાં 70 રન આપી 4 વિકેટ ઝડપી હતી. અંશુલ કંબોજે 10 ઓવરમાં 2 મેડન સાથે 22 રન આપી 2 વિકેટ અને ગુરનૂર બ્રારે 9.2 ઓવરમાં 44 રન આપી 3 વિકેટ ઝડપી હતી. આકિબ નબીએ 6 ઓવરમાં 33 રન અને અક્ષર પટેલે 5 ઓવરમાં 12 રન આપ્યા હતા, બંનેને કોઈ વિકેટ મળી ન હતી.
રોહિત ‘0’ પર આઉટ, કોહલીના 74 રન
ભારત તરફથી રોહિત શર્મા 6 બોલમાં 0 રને આઉટ થયો હતો. કેપ્ટન શુભમન ગિલે 56 બોલમાં 37 રન અને વિરાટ કોહલીએ 51 બોલમાં 74 રન ફટકાર્યા હતા. શ્રેયસ અય્યરે 13 બોલમાં 15 રન બનાવ્યા હતા જ્યારે અક્ષર પટેલ 2 બોલમાં 0 રને આઉટ થયો હતો. કે.એલ. રાહુલ 5 બોલમાં 3 રન અને નમન ધીર 3 બોલમાં 5 રન બનાવી અણનમ રહ્યા હતા. ભારતે 9 એક્સ્ટ્રા રન સાથે 22.4 ઓવરમાં 5 વિકેટે 143 રન કરી મેચ જીતી લીધી હતી.
7 નવેમ્બરે બીજી વન-ડે
ભારતે વન-ડે સીરિઝની પાંચ મેચોમાંથી 1-0ની સરસાઈ મેળવી લીધી છે. હવે શ્રેણીની બીજી વન-ડે મેચ શનિવાર, 7 નવેમ્બર 2026ના રોજ વેલિંગ્ટન ખાતે યોજાશે. ત્યારબાદ ત્રીજી વન-ડે મંગળવાર, 10 નવેમ્બરે હેમિલ્ટનમાં રમાશે. ચોથી અને પાંચમી વન-ડે મેચ માઉન્ટ મૌંગાનુઇ ખાતે અનુક્રમે શુક્રવાર, 13 નવેમ્બર અને રવિવાર, 15 નવેમ્બરના રોજ રમાશે. આ તમામ વન-ડે મેચો ભારતીય સમય મુજબ સવારે 7:30 વાગ્યે શરૂ થશે. વન-ડે શ્રેણી પૂર્ણ થયા બાદ ટેસ્ટ શ્રેણીની શરૂઆત થશે, જેમાં પ્રથમ ટેસ્ટ મેચ ગુરુવાર, 19 નવેમ્બરથી 23 નવેમ્બર 2026 દરમિયાન વેલિંગ્ટનમાં યોજાશે.