meetarticle
અંકલેશ્વર રૂરલ પોલીસે પોક્સો એક્ટ હેઠળ નોંધાયેલા ગુનાના આરોપીને પકડી પાડ્યો છે. પોલીસને મળેલી અંગત અને વિશ્વાસુ બાતમીના આધારે આ કાર્યવાહી કરવામાં આવી હતી.
આરોપી ગણેશ ઉર્ફે હરેરામસિંગ સુરજસિંગ છેલ્લા બે માસથી નાસતો ફરતો હતો. તે જાતીય ગુનાઓ સામે રક્ષણ આપતા અધિનિયમ (પોક્સો એક્ટ)ની કલમ હેઠળ નોંધાયેલા ગુનામાં સંડોવાયેલો હતો.
બાતમીદારે જણાવ્યું હતું કે આરોપી હાલમાં અંકલેશ્વરના જીતાલી ગામની આજુબાજુના વિસ્તારમાં જોવા મળ્યો હતો. આ માહિતીના આધારે પોલીસે તપાસ કરી આરોપીને પકડી પાડ્યો હતો.
પોલીસે આરોપી વિરુદ્ધ કાયદેસરની કાર્યવાહી શરૂ કરી છે. અંકલેશ્વર રૂરલ પોલીસ સ્ટેશનમાં નોંધાયેલા આ કેસમાં આગળની તપાસ ચાલી રહી છે.
meetarticle