મેટાના સીઈઓ માર્ક ઝુકરબર્ગે ફેસબુક અને ઇન્સ્ટાગ્રામ પર બાળ યૌન શોષણ કન્ટેન્ટ અને ડીપફેક વીડિયો માટે જાહેરમાં માફી માંગી છે. કંપનીએ તેના અલ્ગોરિધમમાં ગંભીર ખામીઓ સ્વીકારી અને કહ્યું કે પૈસા લઈને ખાસ કન્ટેન્ટ બુસ્ટ કરવામાં આવ્યું હતું. ઝુકરબર્ગે ખાતરી આપી છે કે આ અંગે કડક પગલાં લેવામાં આવી રહ્યા છે. ટેક જાયન્ટ મેટા અને ભારત સરકાર વચ્ચે ચાલી રહેલા તણાવ વચ્ચે એક મોટા સમાચાર સામે આવ્યા છે. મેટાના સ્થાપક અને સીઈઓ માર્ક ઝુકરબર્ગે બાળ યૌન શોષણ કન્ટેન્ટ (CSAM), ડીપફેક અને તેના પ્લેટફોર્મ પર તાજેતરની ટેક્નિકલ ભૂલો અંગે ભારત સરકારની ઔપચારિક માફી માંગી છે. મેટાએ સ્વીકાર્યું કે ચોક્કસ ઓડિયન્સને ટાર્ગેટ બનાવતી પેઇડ જાહેરાતો દ્વારા નોંધપાત્ર પ્રમાણમાં ગેરકાયદેસર કન્ટેન્ટનો પ્રચાર કરવામાં આવ્યો હતો.મેટાના સીઈઓ માર્ક ઝુકરબર્ગે બાળ યૌન શોષણ કન્ટેન્ટ (CSAM), ડીપફેક્સ અને અલ્ગોરિધમ કામગીરી અંગે ગંભીર ભૂલો માટે સત્તાવાર રીતે માફી માંગી છે અને સોશિયલ મીડિયા પ્લેટફોર્મ પર દિલગીરી વ્યક્ત કરી છે. કંપનીએ સ્વીકાર્યું કે ચોક્કસ પ્રકારના કન્ટેન્ટને પૈસા લઈને બુસ્ટ કરવામાં આવ્યું હતું.
કેન્દ્ર સરકારના અધિકારીઓ અને મેટાના પ્રતિનિધિઓ વચ્ચેની એક મહત્વપૂર્ણ બેઠક પછી આ મુદ્દો પ્રકાશમાં આવ્યો હતો, જ્યાં સોશિયલ મીડિયા સાઇટ્સ પર CSAM અને ડીપફેક કન્ટેન્ટના વ્યાપ અંગે ચર્ચા કરવામાં આવી હતી.
બીબીસી આઈ ઇન્વેસ્ટિગેશન દ્વારા બાબતનો ખુલાસો
ઝકરબર્ગની માફી એક વૈશ્વિક તપાસ બાદ આવી છે જેમાં મેટાના પ્લેટફોર્મ પર બાળ યૌન શોષણ કન્ટેન્ટને પ્રોત્સાહન આપતી જાહેરાતો ચાલી રહી હોવાનું બહાર આવ્યું હતું. ‘બીબીસી આઈ’ના અહેવાલમાં આવી લગભગ 30 અલગ અલગ જાહેરાતો ઓળખાઈ હતી. ભારતીય અધિકારીઓને આ બાબતની જાણ થયા પછી, ઇલેક્ટ્રોનિક્સ અને માહિતી ટેકનોલોજી મંત્રાલયે મેટાને સમન્સ પાઠવ્યું અને કડક જવાબ માંગ્યો.
દરમિયાન, બુધવાર, 5 ઓગસ્ટના રોજ, મેટાના વૈશ્વિક બાબતોના વડા જોએલ કપલાન એક ઉચ્ચ-સ્તરીય ટીમ સાથે દિલ્હી પહોંચ્યા. તેમણે કેન્દ્રીય ઇલેક્ટ્રોનિક્સ અને માહિતી ટેકનોલોજી મંત્રી અશ્વિની વૈષ્ણવ સાથે તેમના કાર્યાલયમાં મુલાકાત કરી. આ હાઇ-પ્રોફાઇલ બેઠક લગભગ 30 મિનિટ ચાલી હતી, જેમાં પ્લેટફોર્મ સલામતી, કન્ટેન્ટ નિયંત્રણ અને તાજેતરની ઘટનાઓ પર વિગતવાર ચર્ચા કરવામાં આવી હતી.કેન્દ્રીય મંત્રી સાથે મુલાકાત પહેલાં મેટા અધિકારીઓએ ઇલેક્ટ્રોનિક્સ અને માહિતી ટેકનોલોજી મંત્રાલય (MeitY)ના સચિવ એસ. કૃષ્ણન સાથે પણ મુલાકાત કરી હતી અને લગભગ 45 મિનિટ દરમિયાન તેમનો અભિપ્રાય રજૂ કર્યો હતો. તાજેતરના સમયમાં ભારત સરકારે સોશિયલ મીડિયા પ્લેટફોર્મ પર વાંધાજનક કન્ટેન્ટ અને સુરક્ષા નબળાઈઓ અંગે ખૂબ જ કડક વલણ અપનાવ્યું છે. સરકારે આવી સંવેદનશીલ અને ગેરકાયદેસર કન્ટેન્ટની હાજરી અંગે મેટા સામે સખત વાંધો ઉઠાવ્યો હતો. આર્ટિફિશિયલ ઇન્ટેલિજન્સ (AI)નો ઉપયોગ કરીને જનરેટ કરવામાં આવતા નકલી અને ભ્રામક વીડિયો (ડીપફેક્સ)ને રોકવામાં નિષ્ફળતા અંગે પણ મેટા પર પ્રશ્ન ઉઠાવવામાં આવ્યો હતો.
ટેકનિકલ ભૂલ અને પીએમ મોદીનો વીડિયો
ફેસબુક પ્લેટફોર્મ પરથી વડાપ્રધાન નરેન્દ્ર મોદીના વીડિયોને ભૂલથી દૂર કરવાની ઘટના પણ તાજેતરમાં પ્રકાશમાં આવી હતી, જેના કારણે સરકારે સખત નારાજગી વ્યક્ત કરી હતી. આ ગંભીર મુદ્દાઓ પર સરકારના મક્કમ વલણને પગલે મેટાના નેતૃત્વને પોતાનો અભિગમ બદલવાની ફરજ પડી.