ન્યુઝીલેન્ડમાં 18 વર્ષની ઉંમર હોવા છતાં લોકો સિગારેટ પી શકશે નહીં. આ માટે ન્યુઝીલેન્ડ સરકારે એક નવા કાયદા અંગે બિલ રજૂ કર્યું છે. નવી પેઢીને કાયદેસર રીતે સિગારેટ ખરીદવા પર પ્રતિબંધ મૂકતા ન્યુઝીલેન્ડના આ નવા કાયદા અનુસાર, ભાવિ પેઢી 18 વર્ષની ઉંમરે પહોંચ્યા પછી પણ ધૂમ્રપાન કરી શકશે નહીં. ન્યૂઝીલેન્ડના તમામ સાંસદો આ અંગે એકમત છે. ન્યુઝીલેન્ડની સરકારે ધૂમ્રપાન-મુક્ત પેઢી બનાવવાના હેતુથી નવા કાયદાનું બિલ રજૂ કર્યું, જેમાં ખરીદીની વય ઉમેરવામાં આવી જે યુવાનોને કાયદેસર રીતે સિગારેટ ખરીદવાથી અટકાવશે.
ન્યૂઝીલેન્ડની સંસદમાં નવા બિલને લઈને ચર્ચા થઈ હતી. એવી ચર્ચા કરવામાં આવી હતી કે ધૂમ્રપાનની ઉંમર વધારવા ઉપરાંત, તેઓ સિગારેટના નિકોટિન સામગ્રીમાં ભારે ઘટાડો કરશે અને તેને દુકાનો અને સુપરમાર્કેટોને બદલે માત્ર વિશિષ્ટ તમાકુની દુકાનોમાં જ વેચવાની મંજૂરી આપશે. મોટાભાગના પક્ષકારો આ કાયદાની તરફેણમાં છે. વિરોધ પક્ષ નેશનલ પાર્ટીના મેટ ડ્યુસીએ કહ્યું કે તેમની પાર્ટી આ સમયે કાયદાનું સમર્થન કરે છે. જો કે તેઓ આ કાયદાના અમલને લઈને ચિંતિત છે. જો કે, બિલની રજૂઆત બાદ માત્ર લિબરટેરિયન એક્ટ પાર્ટીએ જ તેનો વિરોધ કર્યો હતો.
